مدونتي

مرحبآ
كما وعدتكم سابقآ اني راح اضع مدونه خاصه فيني
طبعآ ها انه افي بلوعد وطبعآ راح ابدء المدونه بي آخر الأشياء الي سويتهه بآخر يومين

طبعآ كما يعلم الكل حاليآ فلبحرين هناك سباق وبطوله العالم للفورميلا1
وجميع الأنضار توجه لنه لذه هاذي كانت فرصه جميله ورائعه ان اذهب الي سباق الفورميلا

وبلفعل ذهبت واستانست وكان الجو حلو والسباق روعه والسوق وله اروع وهناك مطاعم وسوق وحفلات
طبعآ حفلات كثيره كانت لفرق مشهوره ومغنيين مشهورين طبعآ وشفنه السيرك وشفنه الي يتزلجون ويتقلبون بلهوه

وينفذون حركات خطره وشفنه الي يغنون الريغي
وطبعآ بليل على الساعه 7 ونص من اول يوم كانت حفله المغني حسين الجسمي

ورحت الحفله وكانت رووعه والناس بلآلاف تواجدو
وثاني يوم كانت حفله مغني امريكي معه المغني المشهور كينغستون والضريف فلموضوع انه كينغستون كان لابس
ثوب وغتره لأنه من اصول مسلمه
وطبعآ بليوم الثالث كان المغني الأمريكي المشهور والعالمي
تيمبرلاند

طبعآ الكل يعرفه مايحتاي اقول اهوه غني عن التعريف وحفلته كانت الأفضل بينهم كلهم والناس بلآلاف كانو
وكان يوزع هدايا تذكاريه ومن ضمنهه كان يحذف على الجمهور ميداليات وقلادات من املاس وذهب
ورقصنه وغنينه واستانسنه كانت حفله رووووعه

والعجيب بعد انه فلفورميلا شفت ولد الملك حمد ملك البحرين
شفت ولده الشيخ ناصر بن حمد
ورحت صورت معاه صوره تذكاريه وكانت لحضه جميله صراحه

وصراحه شفت اشياء وااايد ماراح اخلص اذا بذكرهه لكني اختصرت الموضوع

وانشالله قريبآ راح اضع صوري وانه بلفورميلا

واو شكل الحفل كان مره حلوه
ويلا متى نشوف صورك

انشالله بكره تجهز بحملهه وبحطهه وانشالله اعجبكم خخخ
ادري اني حلو >>>> وايد وااثق انقلع برع
ههه المهم انشالله اضع صورتين

ههههههههههههههههه
يلا لازم نشوف صورك!!

يب يب
نبي نشوفها
باقول لاختي با انتظارك

####

اما عن يومياتي
فليوم في حصه الدين كنه ماخذين درس عن البخل وانه كان في كم سؤال مافهمته وقعدت اسئل الأستاذ
وفجئه جات فكره للأستاذ انه يسوي تمثيليه بلصف
يعني يخلي طالبين يقومون ويئدون مشهد تمثيلي عن البخل وطبعآ قوم بلبدايه طالبين واحد الطالبين صديق مقرب لي
وقام يئشر علي وقال للأستاذ خل فيصل يقوم بدالي انه ماعرف شي وهوه شاطر وانه قلت للأستاذ مستحيل اقوم
امثل بلصف عن البخل والأستاذ اقتنع فيني وخلاني اقوم وانه اعاند اقوله ما ابي الموقف محرج هههه جدام الصف كله امثل خخخ المهم صديقي رجع طاولته مرتاح وافتك من هاذي الورطه وقعد يضحك علي

وطبعآ انه والطالب الثاني الي بنئدي الدور قمنه وجالنه الأستاذ وقالي فيصل انت بتئدي دور البخيل قلت له لااا
مستحيل ناه مو بخيل وماعرف امثل دور البخيل هههه فقام وخله صديقي الثاني بعد نقاش طويل خخخ
وبعدهه قالنه ابيك يافيصل تسوي روحك شخص محتاج مساعده من صديقك البخيل الي اسمه حجي عبدالله
طبعآ هذه اسمه بلتمثيليه والمفترض مني اني اطلب مساعدته وهوه يرفض وبعدهه يشوف بيدي جريده وياخذهه مني من زود بخله طبعآ مايبي يشتري جريده

وبدئنه التمثيليه :-

فيصل : حجي عبدلله انه فقير ابي فلوس عطني هههه طبعآ قلت الكلام الخاطئ

وتدخل زميلي وهوه يساسرني بلصف يقولي لازم تقوم انك مرسل من جمعيه للفقاره تبي تاخذ فلوس لهم مو لك انت ياحضي هههه وانه عبالي لي طبعآ

فعدت الدور

فيصل : حجي عبدالله انه شخص مرسل من جمعيه اسلاميه للتبرع للفقاره وبما انك غني جينه ناخذ منك فلوس لهم للتبرع لهم

حجي عبدلله : لا ماعندي فلوس اتبرع فيهه
فيصل : انت غني وتبرع بجزء من الي عندك
حجي عبدلله : لو الأستاذ يصير ربيه (يعني ريال وقالهه بموقف مضحك وفكاهي) لو الأستاذ يصير ربيه ماتبرع فيهه بعد خخخ
الصف كله يضحك
فيصل : زين علقل نص ربيه وله عشره فلوس اشتري فيهه قرص خبز
حجي عبدلله : ماعندي شي
فيصل : كنت مجود جريده وشافهه بيدي
والحبيب نسه الدور وشنو يقول فقمت ائشر بيدي له على الجريده عشان يتذكر وفجئه تذكر وانقذني من هلموقف خخخ
حجي عبدلله : ليش هاذي الجريده بئيدك عطني اياهه ابي اقراهه منك احسن من اشتريهه بفلوس
فيصل : لاحول ولاقوه الابالله حتى الجريده من بخله مايشتريهه وخذه جريدتي

وطبعآ انتهى الدور ورديت مكاني وكان درس اليوم عن البخل وكان الوقف محرج والتمثيل صعب والصف يضحك علينه هههه

بايـــــــــــــــــــــن
O_o

طلعت عجوووووز
="(

امززززح
خخخخخخخخخخخخخخخخخخخخخخخخخخخ

تصدق حسبتك اكثر شي 16 سنة
ههههههههههههههههههههههههههههههههههههههههههههههههههههههههههههههههاااي

و مبروك المدونة و تقطعها بالعافية

لا لا انه مو عجوز عمري 17 سنه فقط وتوني شهر 3 هذه دخلت 17 سنه
مو كبير توني شباب
اممم اي صح نسيت اكتب معلومات عامه عني مثل البقيه
الأسم : فيصل
العمر : 17
الجنسيه : بحريني
المهنه : طالب
الهوايه : ولا شي ههه
الطول : 185
لون البشره : ابيض
لون الشعر : اسود
لون العين : بني
امممم هذهه معلومات كافيه اعتقد

ماشاء الله عليك إقر ع نفسك لايجيك العين ...باين انت كبير مره اكبر مني بسنتين ماشاء الله ..انت بأي صف ؟؟

ثاني ثنوي يعني توني ثاني سنه بلثنويه
وعمري 17
بس انه ماعتبر روحي كبير يعني اشوف روحي عادي

ماشاء الله
قصم حسباتك 20 من الصورة
خخخخخخخخخخخخخخخخخخخخخ

ما عليك


و الله لو حنا بمدرستني اللي عندنا هالمشهد
ما تشوف غير البنات يذبحون بعض علشان يطلعون
تقل بيطلعون على التلفزيون خخخخخخخخخخخخخ


يؤ
ذكرتني بمعلومات لازم احطها
برب

ههههه انتي مو اول شخص فكر انه عمري 20 خخخ
في ناس كثير فكرو اني بلجامعه يعني كل من يسئلني يقولي انت بئي سنه بلجامعه خخخ
آخر شي يتفاجئون اني توني ثانوي

بس عن اي مشهد تتكلمين ؟

واي تمزحووووووووووووون طبعاً مستحيل هذى صورتك يا باين
ابد ماتوقعتك كذا
بس من جد طالع وسيم

ياااااااااه هذا باين
شكلك كبير معقوله هذا انت

يعني احناء صغار تستهبلين

هههه اي والله هذه صورتي من جد

بس ليش كل من يقولي شكلك كبير ليكون انتو اطفال صغنونين

اهلين باين
عمرك 17 امم لا اتوقع عادي مناسب عمرك على شكلك بس صدمتنا

اوكي بس ليش صدمه ممكن اعرف شنو كنتي متوقعه خخخ

وحبوبه قارا شفيج تقولين وجع على صورتي قولي ماشالله لاتصكيني بعين
شكلي بشيل الصوره

لا ااااااااااااااااااااا تقول وجع لي عشاني اقول تستهبلين

ههههههههههههههه ياقلبي خايف على نفسك تطمن قلنا ماشاء الله

لا باين انا اكلم اختي
مو انت

ههه اوك

المشهد حق الكذب

ماشاء الله عندك ذقن بعد
ولد عمي مخلص الثنوي و دقنه ناعمة زي دقن اخته
خخخخخخخخخخخخخخخخخخخخخخ

اي هههه على فكره انه فلصوره كنت مخفف ذقني كثير خخخ وكنت قاعد في زاويه تخلي الذقن مايبين بشكل واضح
بس على فكره انه الذقن او اللحيه بدت تنمو عندي وتطلع بوجهي من صف ثاني اعدادي من يومهه واللحيه تطلع لي
انه يعني ماشالله كان نموي سريع من كل النواحي يعني من طولي وحتى شكلي اكبر من عمري

يعني من اشياء كثيره بس صراحه ناس وايد يحسدوني على هلشي من زمان وهذه يضايقني شوي
يعني كل من يقولي انت شكلك كبير وانت محضوض تكبر بسرعه وطويل ولك لحيه
يعني كلام من هلقبيل بس صراحه اخاف من الحسد لانه كثير يحسدون

لاعاد وش دعوه مو شايفين خير يحسدون الحمد لله والشكر انت اذا لحظة ان فيه ناس حسودين حولك لازم تحصن نفسك في ناس يمكن يكون عندك شي يتمنونه هم
على كلاً انت تقول ثاني اعدادي طالع لك لحيه ماشاء الله ليه
احس صغير ليه كذا مستعجل تبي تشيب

لاااا هذه العمر المثالي الكل تبدء تطلع له لحيه من هلعمر وهلصف يعني كثير من الناس
اما ولد عمج هذه فلضاهر انه في مشكله عنده بلنمو

اعجبتني يا الخبل هههههههههههه
والله ماادري عن عيال عمي بس اغلبهم كذا
ماعندي اخو ولا كان راقبته مافي الاانا واختي القلق ريماس وهي عن عشره عيال

ههههههههههههه حلوة تراقبي اخوكي ههههههههههه
انا عندي هنـا اخوي بس لسـا صغير سنة سادس لازم كل يوم اطالع في وجهه اشوف طلعله شنب ولا لا..

خخخخخخخخخ

بنك قرل
اعقلي بعدين يبدي يشك انا اعرف الصف السادس صف اللقافة و الرجة و الوناسة (اسالي مجربة)

شسمه
انا و خوياتي كلنا كبرنا من الصف الخامس

خخخخخخخخخخخخخخخ

ما يحتاج اشرح زيادة يعني
هع
:$

ههههه
زعيمه كونوها انه مو خبل
انه وسيم >>>> صرت مغرور انقلع برع
لا امزح خخخ
ويا بنك غيرل كل يوم شوفي اخوج اووك ههه

خخخخخخخخخخخخ حبيبتي مونستر هذا اغبى اخ في العالم مستحييل يلاحظ..
مونستر ما شاء الله عليك من سنة خامس انا ما كبرت الا هذي السنه...

باين لا توصي حريــص..

خخخهههه ايه ياالخبل باين

واي ماشاء الله مونتسير من خامس انتي مثل اختي ريماس <<لو هنا صفقتني
تكره ذا السالفه
انا كمان ذا السنه خخ

خخخخخخخخخخخخخخخخخخخخخخخخخخخخخخخخخ

شكلي انا و ريماس بنصير اصدقاء بقوة بعد
خخخخخخخخخخخخخخخخخخخ
لانها تشبهلي كثيـــــــــــــــــــــــر

مره بس ماتلاحظون ان نقول كلام ماينقال لا وفي مدونة باين بعد خل نروح
كشكنا ماادري بسطتنا او قسمنا ذاك حق حوا

هههه اووك بس زين جذي خربتي القعده كانت حلوه
الحين تبين تشردين البنات والأعضاء

خخخخخخخخخخخخخخخخ
صح كلامك
انتظروووووووووووووووووووووووني

ههه ناطرينج

يو عيب
شنو مستانس على كلمنا

ههههه
المهم اليوم لاشيئ جديد رحت المدرسه مافي شيئ مميز غير ان ينص الدوام نايم
رديت البيت كملت نومي
وبس هاي حالتي نوم في نوم هههههه

كلنا نفس الحاه ومانقوم الا باطقاق
اوكاس ماي

خخخخخخخخخخخخخخخ
انا اقوم في الصباح لازم اشرب شاي
ولا بروح هناك زي السكرااانة
مرة رحت متاخر نسيت افطر يومها
في حصة التاريخ
الابلة: من هي ابنة عمر بن الخطاب (او ابو بكر ما اتذكر) التي تزوجها النبي؟
انا: امنة بنت وهب(بصوت عالي طبعا من زود الدفارة)
و ما ادري غير كل الفصل يضحك
و الابلة كذاواقفة O_o
الابلة: امنة بنت وهب يا نايمة ؟
انا: اقصد حليمة السعدية(هنا عاد محد مسك نفسهم كلهم يضحكون)
النهاية زميلتي برورة قالتلي حفصة
قمت قلت حفصة
الابلة: اخيرا

هههههههههههه الله يقلع ابليسك يا مونستر والله البيت كله يسمع صوت ضحكي خخخخخخخخخخ...

ما شاء الله من زود الدفارة...

طبعآ يوم السبت رحت السعوديه معه امي وابوي وخواتي وعمتي
وراحو عشان ياخذون الماس وذهب حق العرس (( عرس عمتي ))
ورحت انه والوالد عشان ناخذ لنه بضايع لأنه الوالد تاجر
وطبعآ رحنه من الساعه 2 وماردينه اله 9 بليل ورديت حدي تعبان مهلك
ونمت علطول خخخ

اما اليوم بلمدرسه شردت من الصف الحصه الخامسه ورحت حق استاذ الكيميا انه وصديقي وقعدنه معاه
وسالفنه معاه واستهبلنه شوي وضحكنه هههه وبعدين الأستاذ قام وسوه لنه قلاصين جاي
وقعدنه وشربنه الجاي وسالفنه معه الأستاذ لي الحصه السابعه (( الي هيه الأخيره عندنه ))
وطبعآ كتب لنه ورقه وردينه الصف ودشينه الصف بئذن من الأستاذ خخخ
طبعآ
كنه مسويين مقابله معه الأستاذ لانه كان علينه ماده اثرائيه اسمهه اجا193
وكان يتوجب علينه نسوي مقابلات معه عدد كبير من الأساتذه عشان نجتاز الماده
وبلفعل سوينه معه المدير والمشرفين والمدراء المساعدين والاساتذه وانشالله بكره
نخلص المقابلات
بس صج وناااسه هههه